Almaty qalasy №15 emhanasynyń pediatr-dárigeri Móldir Ákimjan óńirlik kommýnikatsiialar qyzmetiniń alańynda aitty, dep habarlaidy QazAqparat.
Spiker brifing barysynda, revaktsinatsiiaǵa qatysty halyqaralyq tájiribeni mysalǵa keltirdi.
«Izrail – halyq ekpe salyp, epidemiologiialyq ahýaldy turaqtandyrǵan alǵashqy elderdiń biri. Alaida, jazda jańa «delta» nusqasynyń paida bolýymen adamdar qaitadan juqtyra bastady. Sodan keiin ǵalymdar men dárigerler vaktsinanyń ekinshi dozasynan keiin 6 aidan keiin immýnitet anaǵurlym juqpaly «delta» nusqasynyń paida bolýy aiasynda aitarlyqtai tómendegenin anyqtady. Nátijesinde Izrail revaktsinatsiia týraly sheshim qabyldady», - dedi pediatr.
Sonymen qatar, ol revaktsinatsiia aiasynda Izrailde júrgizilgen zertteý derekterimen bólisti.
«Zertteýge 60 jastan asqan 1 mln astam adam qatysty. Olardyń barlyǵy vaktsinanyń eki komponentin 2021 jyldyń 1 naýryzyna deiin alǵan. Keiin olardyń barlyǵy qaita vaktsinalandy. Úshinshi ekpe KVI qaita juqtyrý yqtimaldyǵyn 11 esege, al aýyr aǵymdy 15 esege tómendetkeni anyqtaldy», - dedi Móldir Ákimjan.
Dáriger barlyq almatylyqtarǵa KVI vaktsinasynyń eki komponentin de alýǵa, al ekpeni tolyq alǵandarǵa revaktsinatsiiadan ýaqytyly ótýge keńes berdi.
