Seisenbi, 9 qarashadan bastap reseilik nómirmen júrgen kólikterdi sebepsiz toqtatpaidy. Bul týraly ákimshilik politsiia komiteti tóraǵasynyń orynbasary Serik Túsipov málimdedi.
Osy sanattaǵy kólik ielerimen bolǵan kezdesýde Túsipov budan bylai reseilik nómiri bar kólikter jol erejesin buzǵan jaǵdaida ǵana toqtatylatynyn aitty, dep habarlaidy Sputnik Qazaqstan saity Habar 24 arnasyna silteme jasap.
Al politsiia qyzmetkerleri sebepsiz toqtatyp jatsa, 102 qyzmetine nemese +7(708) 382-13-76, 7172-71-69-77, 7172-67-75-75 nómiri boiynsha bailanys ortalyqtaryna habarlasýǵa bolady.
Aita keteri, jaqynda reseilik nómirmen júrgen kólikterdi jappai tekserý sharalary bastaldy. Sebebi kórshi elden kriminaldyq kólikter ákelingeni anyqtaldy. Ishki ister ministrligi saqtandyrý kompaniialarynan Qazaqstanda reseilik nómirmen júrgen kólikter týraly qajetti aqparat aldy. Reseidiń ishki ister organdaryna da suraý salyndy. Ol jaqta Qazaqstanda júrgen 88 myń kóliktiń tirkeýde turmaǵany rastaldy.
"Ol kólikter zań boiynsha tirkelmegen, ia bolmasa, Qazaqstan azamattaryna satylǵannan keiin burynǵy ieleri – Resei azamattary tirkeýden shyǵaryp tastaǵan. Al zań boiynsha tirkelgen kólikter ǵana jol qozǵalysyna qatysa alady. Qazirgi kezde osy sanattaǵy kólik ielerimen tiisti jumys atqarylyp jatyr", - dep atap ótti Túsipov.
Resei Federatsiiasynyń ishki ister ministrligi Qazaqstanda júrgen 606 kólikke izdeý jariialanǵany týraly aqparat berdi. Bul degenimiz, kólikterdiń belgili bir qylmysqa qatysy bar, ia bolmasa, sol qylmys nysany bolyp sanalady. Osy ýaqytqa deiin 200 kólik tabyldy. Ustalǵan kólikter ázirge aiyp turaǵynda tur.
Aldaǵy ýaqytta eki eldiń aqparat bazasyn integratsiialaý josparlanyp otyr. Sonyń arqasynda tirkeýde turmaǵan kólikter avtomatty túrde anyqtalady.
