Reseilik ǵalymdar 30 minýttan az ýaqyt ishinde COVID-19 virýsynyń aǵzada bar-joǵyn anyqtaityn qurylǵy oilap tapty.
Bul týraly Úkimet janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly habarlady.
Federaldy biomeditsinalyq agenttiktiń mamandary SARS-CoV-2 mýtatsiiasyn jyldam baqylaýdyń jolyn tapty, iaǵni koronavirýstyń mańyzdy qasietterine jaýap beretin genomnyń tek bir bóligin «oqýdy» usynady.
COVID-19 virýsynyń ekspress-diagnostikasyn zertteý «LETI» Sankt-Peterbýrg memlekettik elektrotehnikalyq ýniversitetiniń mikrotehnologiia jáne diagnostika injenerlik ortalyǵynda da júrgizilýde. Eger synaqtar sátti ótse, bul Reseidegi alǵashqy test júiesi bolady, ol patogendi nebary 10 minýt ishinde anyqtai alady.
Chili Respýblikasynyń Úkimeti qytailyq Sinovac shyǵarǵan koronavirýs infektsiiasyna qarsy vaktsinany 6 jastan asqan balalarǵa qoldanýǵa ruqsat berdi.
Sheshimdi úsh jastan 17 jasqa deiingi balalar men jasóspirimder tobyn vaktsinalaý qorytyndysyn zerttegen sarapshylar komissiiasy qabyldady. Sarapshylar júrgizilgen zertteýler vaktsinadan immýndyq reaktsiianyń jaqsy nátijesin bergenin atap ótti.
