Koronavirýspen kúreske kómektesý úshin Qazaqstanǵa kelgen reseilik delegatsiia basshysy Resei Densaýlyq saqtaý vitse-ministri Oleg Gridnev bul indetpen kúreste mol tájiribe jinaǵanyn aitty, dep habarlaidy QazAqparat.
«Delegatsiia negizinen Resei tutynýshylar quqyǵyn jáne adamnyń ál-aýqatyn qorǵaý salasyndaǵy qadaǵalaý jónindegi federaldy qyzmettiń Máskeý oblysyndaǵy aýrýhanalarda koronavirýsty emdeýge jumyldyrylǵan dárigerlerinen jasaqtalǵan. Olardyń qatarynda reabilitologtar, infektsionister, pýlmonologtar, epidemiologtar bar. Negizgi top - Máskeý oblysynyń dáriger mamandary. Ózderińiz bilesizder, Máskeý oblysynda indet saiabyrsydy. Sondyqtan osyndai deńgeidegi mamandar baýyrlas Qazaqstan Respýblikasyna kómek kórsete alady. Is-qimyl josparymyzdy Qazaqstannyń Densaýlyq saqtaý ministrliginiń basshylyǵymen kelisemiz», - deidi Oleg Gridnev.
Sonymen qatar ol reseilik dárigerlerdiń Qazaqstanǵa kelýdegi negizgi maqsatyn da aityp berdi.
«Eń aldymen patsientterdi ambýlatorlyq, gospitaldik kezeńde koronavirýs infektsiiasynan emdeý ádisterimizben bóliskimiz keledi. Resei Federatsiiasy talai dúnieni bastan keshirdi. Bul tájiribemizdi, patsientterdiń janyn saqtap qalý, ottegimen qamtamasyz etý tájiribemizdi taratýǵa daiynbyz. Osynda kelgen dárigerlerdiń barlyǵy da mundai daǵdyny meńgergen ári bilimi de bar. Biz Qazaqstandaǵy ahýaldy túsinip, áriptesterimizden keńesip alýymyz qajet. Ketýge asyǵatyn oiymyz joq, kómekke keldik qoi», - dedi ol.
Buǵan deiin Reseiden bir top dárigerdiń Qazaqstanǵa kelgenin habarlaǵan edik.
