Reseidiń Perm qalasynyń janyndaǵy Sars kentinde 12 jasar bala mektepke ańshy qarýyn ákep, qabyrǵa men tóbege qarata eki ret oq atqan. Resei IIM jasóspirimniń ustalǵanyn habarlady. Oqtan eshkim zardap shekpegen.
Oq atylǵanda mektepte 300-den astam oqýshy men 30 pedagog bolǵan.
RBK-nyń habarlaýynsha, altynshy synyp oqýshysynyń qolyndaǵy qarýdy mektep direktory alǵan. Oqýshyny kabinetke kirgizip, qarýdy berýge kóndirgen.
Kei maǵlumattarǵa qaraǵanda, oqýshynyń oq atýyna mekteptegi qýdalaý sebep bolýy múmkin. "Interfaks" derekkóziniń aitýynsha, oqýshy oq atqanda túsiniksiz sózder aitqan.
Oqýshy mektep aparǵan "Saiga" karabini ákesiniń atyna tirkelgen.
- 2018 jyly 17 qazanda Qyrymnyń Kerch qalasynda (Resei anneksiialaǵan Qyrym túbegi) 18 jastaǵy stýdent Vladislav Rosliakov politehnika kolledjinde 20 adamdy atyp, ózi de ólgen.
- 2021 jyly mamyr aiynda Ilnaz Galiaviev Qazan qalasyndaǵy №175 gimnaziiada 9 adamdy atyp óltirgen, taǵy 24 adam zardap shekken.
- 2021 jyly 20 qyrkúiekte Timýr Bekmansýrov Perm memleketttik ǵylymi zertteý ýniversitetinde alty adamdy atyp óltirgen.
