QR Aqparat jáne qoǵamdyq damý ministrligi men reseilik «Mýlt» telearnasy ózara kelisimge qol jetkizdi. Bul týraly ministr Dáýren Abaev óziniń áleýmettik jelidegi paraqshasynda jazdy.
«Aqparat jáne qoǵamdyq damý ministrligi, reseilik «Mýlt» telearnasymen ózara kelisimge qol jetkizdi. Bul kelisimge sáikes, telearnanyń ónimderi Qazaqstan Respýblikasynyń aýmaǵynda, memlekettik tilde kórsetile bastaidy. Biylǵy jyldyń sáýir aiynan bastap, «Mýlt» telearnasynyń efirinen zaman talabyna sai túsirilgen tanymal mýltserialdar jáne balalar animatsiiasynyń ozyq ónimderin, bizdiń kishkentai kórermenderimiz qazaq tilinde tamashalai bastady. Alǵashqy kezeń bolǵandyqtan, táýligine 3 saǵat habar taratylýda. Keleshekte qazaq tilinde habar taratý ýaqytyn kóbeitemiz degen jospar bar» deidi Dáýren Abaev.
Qazirgi tańda «Qaǵazdar» (Býmajki) jáne «Súikimdi qonjyqtar» (Mi-mishki) atty mýltserialdardyń dýbliajy tolyq aiaqtaldǵan. Atalǵan eki ónim «Qazaqstan» RTRK» AQ «Balapan» arnasynan kórsetilip jatyr.
«Mýlt» telearnasy «Skazochnyi patrýl», «Leo men Tig», «Chetvero v kýbe» jáne taǵy basqa belgili animatsiialyq serialdardy bizdiń aýditoriiaǵa beiimdeýdi josparlap otyr.
