Resei qutqarýshylary Kamchatkadaǵy tikushaq apatynan qaza tapqan úsh adamnyń denesin tapty. Ushqyshtyń denesi Kýril kólinen shyǵaryldy. Bul týraly TASS agenttigi habarlady.
«Kýril kólindegi izdeý operatsiiasyna RF TJM, Qorǵanys ministrligi, Kronotsk qoryǵy, Kamchatka ólkesiniń kúshi jumyldyryldy. Ushqyshtyń denesi jaǵaǵa shyǵaryldy, tikushaqtyń bólshekterine jaqyn mańnan taǵy eki adamnyń denesi tabyldy. Jumystar kúndiz jalǵasady», - dep habarlady Kamchatka gýbernatory Vladimir Solodov Telegram-kanalda.
Sý astyna súńgitin qurylǵynyń kómegimen jaǵalaýdan 110 metr tereńdiktegi 500 metr qashyqtyqtan tikushaqtyń korpýsy tabyldy. Bir táýlikte kóldegi 5 myń sharshy metr, pilotsyz ushý quraldarynyń kómegimen 5 sharshy shaqyrym aýmaq tekserildi.
Eske salaiyq, 12 tamyzda Kamchatkada 13 demalýshy men ekipajdyń úsh múshesi mingen Mi-8 tikushaǵy qulaǵan bolatyn.
