22 qazan tańerteń Riazan oblysynda jarylǵysh zat óndiretin «Razriad» kompaniiasynyń tsehynda órt boldy. Sońǵy málimetter boiynsha sonyń saldarynan 15 adam kóz jumdy, dep QazAqparat TASS agenttigine silteme jasap.
Shilov aýdany Lesnoe poselkisindegi bul oqiǵaǵa qatysty aqparat Tótenshe jaǵdailar ministrligine Máskeý ýaqytymen saǵat 08:22 kezinde habarlandy.
Órt bir qabatty tsehta bolǵan jáne onda jarylǵysh zat saqtalǵan. Órt 160 sharshy metr aýdanda aýyzdyqtalyp, qazirgi kezde qyzyl jalyn sóndirildi.
Belgili bolǵandai, tseh ǵimaraty tolyqtai qirap, opyrylyp túsken. Tek jekelei qurylystar ǵana órt saldarynan buzylmaǵan.
Riazan oblysynyń biligi 15 adamnyń qaza bolǵanyn rastady. Atalǵan oqiǵa boiynsha RF tergeý komiteti tekserýdi bastap ketti.
Ǵimaratynda órt bolǵan «Razriad» JShQ ónerkásiptik jarylǵysh zat shyǵarýǵa mamandanǵan. Sonymen qatar, kásiporyn oq-dárini ýtilizatsiialaýmen ainalysyp keldi.
