Reseidiń Irkýtsk oblysynda L-410 ushaǵy jerge soǵylǵan. Sońǵy málimet boiynsha apattan 4 adam qaza tapty, dep habarlaidy QazAqparat TASS agenttigine silteme jasap.
Jergilikti ýaqytpen 23:15-te eki motorly L-410 ushaǵy Irkýstkiden 500 shaqyrym qashyqtaǵy Kazachinskoe aýylynan 4 shaqyrym jerge qulaǵan.
Prokýratýranyń málimetinshe, ushaq kenttegi áýejaiǵa qoný úshin ekinshi ainalymǵa ketpek bolǵan. Irkýtsk gýbernatory Igor Kobzevtiń aitýynsha, bortta órt shyqpaǵan. Bastapqyda ushaq órtendi dep habarlanǵan edi.
Sońǵy málimet boiynsha, tórt adam kóz jumǵan, onyń ekeýi jolaýshy, ekeýi ushqysh.
RF TJM-nyń málimetinshe, 12 adam zardap shekken. Bireýiniń jaǵdaiy aýyr, qalǵandary jeńil jaraqat alǵan. Tórt adam jansaqtaý bólimine túsken.
Bortta 14 adam men eki ekipaj múshesi bolǵan. Barlyǵy eresekter, bala joq.
Kólik prokýratýrasy oqys oqiǵa boiynsha tekserýdi bastady. Apattyń sebebi retinde - qozǵaltqyshtyń isten shyǵýy jáne ekipajdy qateligi qarastyrylyp otyr. Tergeý komiteti qylmystyq is qozǵady.
15 qyrkúiek Irkýtsk oblysynda qaraly kún dep jariialandy.
