Saidkiemiddin Gozidyń uly Barakatýllo Goziev.
Qazan qalalyq soty 1990 jyldarda tanymal bolǵan belgili tájik dini qyzmetkeri Said Kiemiddindinniń 35 jastaǵy uly Barakatýllo Gozievti 40 táýlikke qamaý týraly sheshim shyǵardy, dep habarlaidy Azattyq.
Sot sheshimine sáikes, Goziev tájik biliginiń ótinishi boiynsha qamaýǵa alynǵan. Goziev elinde "Dini arazdyqty qozdyrý" jáne "Memleketke satqyndyq jasaý" baptary boiynsha aiyptalyp jatyr.
Gozievtiń týystary bul aiyptaýlardy teriske shyǵaryp, Dýshanbede ol azaptaýǵa ushyraidy dep Reseiden jibermeýin suraidy.
Sońǵy eki jylda Tájikstanda Barakatýllo Gozievtiń eki baýyry "Terrorizm" jáne "Memleketke satqyndyq jasady" degen baptar boiynsha sottalyp, biri 11 jylǵa, ekinshisi 13 jylǵa bas bostandyǵynan aiyrylǵan.
2017 jyly qarasha aiynda Said Kiemiddin Sankt-Peterbýrgta ustalyp, Hojent qalasyna jetkizilgen. 2018 jyly mamyr aiynda 25 jylǵa sottalǵan. 2019 jyly mamyrda ol Vahdat túrmesindegi búlik kezinde óltirilgen.
Said Kiemiddin ótken ǵasyrdyń 90-jyldary tanymal dini qyzmetker bolǵan. Onyń "halyq generaly" degen beiresmi ataǵy bolǵan.
Tájikstanda azamattyq soǵys bastalǵannan keiin ol Aýǵanstanǵa ótip, tájik oppozitsiiasymen jumys istegen. Soǵys aiaqtalǵannan keiin eline oralyp, Ulttyq bitim komissiiasyna múshe bolǵan.
