Resei Federatsiiasynyń Kýban qalasynda tolassyz jaýǵan nóser saldarynan sý astynda qalǵan úiler sany 1,3 myńǵa jetti, sondai-aq 1,6 myń aýlany sý basty. Bul týraly RF TJM Krasnodar ólkesi basqarmasynan málim etti, dep habarlaidyTASS.
Keshe keshke TJM óńirlik basshylyǵy Krasnodar ólkesinde aýa raiynyń qolaisyzdyǵy saldarynan 352 úidi, 878 aýlany sý basqanyn málimdedi.
«Osy tsiklon saldarynan 19 eldi mekendegi 1344 jeke úi, 1683 aýlany sý basty», - delingen habarlamada.
Qutqarýshylar bes lagerdegi 989 balany evakýatsiialady. 847 turǵyn, sonyń ishinde 588 bala ýaqytsha ornalastyrý pýnktine jetkizildi. Temriýk aýdany Starotitarovsk stansasynda jeke úilerdegi 25 adam evakýatsiialandy.
11 eldi mekende elektr sónip, 108 myń adam jaryqsyz qaldy. Qalpyna keltirý jumystary júrip jatyr.
Tótenshe jaǵdai rejimi jariialanǵan mýnitsipalitetter sany altydan 14-ke jetti.
