Habarovsk ólkesiniń Nanai aýdanyndaǵy aýyldyń birinde aǵash kesýmen ainalysatyn adamǵa amýr jolbarysy shabýyl jasaǵan. Bul týraly TASS-qa Maiak aýylyń ákimdigi málimdedi, dep habarlaidy «QazAqparat» HAA.
«Arsenevo aýylynyń orman alqabynda adamdar túnep jatqan vagonnan 10-15 metr qashyqta jergilikti turǵyn mert boldy», - dep málimdedi ákimdikten.
41 jastaǵy Mihail vahtaǵa 15 kúnge aǵash kesýge kelgen.
Er adam túnde vagonnan shyǵyp, joǵalyp ketken. Tańerteń onyń qalta shamy, aiaq kiimi jáne jerge shashyraǵan qany tabylǵan. «Sonymen qatar ol jerden jolbarystyń izi men adamdy ormanǵa súirep ketken iz anyqtaldy», - dedi ákimdiktegiler.
Qazir oqys oqiǵa bolǵan jerge ańshylar toby jiberildi.
