Mýrmansk-Adler poiyzynda taǵamnan ýlanyp, keiin Kýban aýrýhanasyna túsken balalardyń sany 87-ge jetti, dep habarlaidy "Ult aqparat" TASS agenttigine silteme jasap.
Kýban operativti shtabynyń málimdeýinshe, olardyń jaǵdaiy jeńil jáne orta deńgeide.
«Kýban aýrýhanasynda Mýrmansk-Adler poiyzynda ýlanǵan 87 bala emdelip jatyr. 8 tamyz kúni №1 Týapsin Ortalyq aýdandyq aýrýhanasynda ishek infektsiiasymen 67 kámeletke tolmaǵan bala, Apsheronda 12, Belorechensk aýrýhanasynda segiz bala em qabyldap jatyr. Dárigerler balalardyń jaǵdaiyn jeńil jáne orta dárejede dep baǵalady», - delingen habarlamada.
Barlyǵy poiyzda 246 adam men 24 olardy alyp júretin qyzmetker bolǵan. Qalǵan balalar Týapsin aýdanynyń saýyqtyratyn ornyna jetkizildi.
Jaqynda Mýrmansk-Adler poiyzynda Kareliiadan kele jatqan 19 bala men eki qyzmetker ishek infektsiiasymen Krasnodar óńiriniń aýrýhanasyna tústi. Balalar vagon meiramhanasynda keshki as ishken. Tórt qyzmetkerdiń úsheýine meditsinalyq synama jasaldy, bireýi analiz jasaýǵa qarsylyq bildirdi. Sondai-aq tamaq, aýyz sý, azyq-túlik jáne dezinfektsiia quraldarynan synamalar alyndy. Odan keiin aýrýhanaǵa túsken balalardyń 56-ǵa kóbeigeni anyqtaldy. Tergeý komiteti is qozǵady, prokýratýra tekseris júrgizip jatyr.
Budan buryn Reseidiń Densaýlyq saqtaý ministrligi balalardyń eki uiymdasqan topqa bólinip, birge júrgenin habarlaǵan. Ýlaný belgilerimen balalardy poiyzdan túsirip alǵannan keiin basqa jolaýshylar poiyzda qaldy.
