© Sputnik / Ramil Sitdikov
Reseide maimyl shesheginiń alǵashqy jaǵdaiy rastaldy, dep habarlady Sputnik Qazaqstan agenttigi Rospotrebnadzordyń baspasóz qyzmetine silteme jasap.
"Reseide maimyl shesheginiń alǵashqy jaǵdaiy rastaldy. Aýrý Eýropa elderinen sapardan oralǵan turǵynnan anyqtaldy. Ol bórtpeni kórip, meditsinalyq mekemege júgingen", - delingen habarlamada.
Rospotrebnadzor habarlaýynsha, aýrý jeńil túrde ótip jatyr. Ol oqshaýlanǵan jáne infektsiialyq beiindegi meditsinalyq mekemege jatqyzyldy.
"Resei Federatsiiasynda maimyl shesheginiń taralý múmkindigi toqtatyldy. Alǵashqy naýqaspen bailanysta bolǵandardyń bári dárigerlerdiń baqylaýynda", dep atap ótti Rospotrebnadzor.
Ol páterde jalǵyz turdy. Barlyq bailanysta bolǵan adam meditsinalyq baqylaýda bolady.
Sondai-aq, vedomstvo maimyl sheshegin anyqtaýǵa arnalǵan reagentter jiyntyǵy elde jetkilikti mólsherde bar ekenin atap ótti. Al tabiǵi sheshekke qarsy buryn júrgizilgen vaktsinatsiia maimyl shesheginiń aýyr ótý qaýpin tómendetedi.
