Koronavirýs qyspaqqa alǵaly beri adamdardyń kúizeliske túsip qalatyn kezderi jiiledi, dep habarlaidy Habar24kz saity.
Qazir búkil álemde meditsina qyzmetkerleriniń jumysy qaýyrt ekeni de túsinikti. Aýrýhanada koronavirýs juqtyrǵan naýqastar áli de kóp. Úide emdelip jatqandar da jeterlik. Kóbine dárigerler kómektesse, kei sátterde eriktiler de járdemdesip júr. Olar óz jumystarynyń qiyn ekenin aityp, júike tozyp, qatty sharshadyq deidi.
Osy rette Reseide jylqy terapiiasy baǵdarlamasy iske qosyldy. Ol kovid-naýqastarǵa kútim kórsetken meditsina qyzmetkerleri men volonterlerge arnalǵan. Baǵdarlamaǵa sai atqa miný tegin. Ázirshe 100-ge jýyq adam niet bildirgen. Atpen serýendegender jylqy terapiiasynyń kúizelisten arylýǵa kóp kómegi tigenin aitady.
«Baǵdarlamaǵa qatysyp jatqan volonterler koronavirýs juqtyrǵan qart kisilerge jáne ózin-ózi oqshaýlaýǵa májbúr bolǵan turǵyndarǵa kómek kórsetken. Árine bul adamnyń emotsionaldyq jaǵdaiyna áser etpei qoimaidy. Sondyqtan volonterler men meditsina qyzmetkerlerine arnap osyndai baǵdarlamany qolǵa aldyq. Jylqy terapiiasynan keiin qatysýshylarymyz kóńil-kúiiniń jaqsarǵanyn aitady», - deidi psiholog Olga Krivozýbova.
