Reseidiń Nijnii Novgorod qalasynda er adam 23 jastaǵy boijetkendi 9 kún boiy jertólede qamap, zorlaǵan. Kúdikti senbige qaraǵan túni ustaldy.
Boijetken 24 tamyz kúni joǵalyp ketken. Tergeý málimetine sáikes, 39 jastaǵy er adam jábirlenýshimen sait arqyly tanysqan. Kezdesýden keiin boijetken er adammen birge ketti. Budan soń jábirlenýshimen bailanys úzildi.
Bastapqyda adam óltirý faktisi boiynsha is qozǵalǵan. Keiin boijetken garajdyń jertólesinde tabyldy, dep habarlady Sputnik Qazaqstan RIA Novosti agenttigine silteme jasap.
Ol toǵyz kún boiy sol jerde kisenmen bailaýly otyrǵan. Er adam pyshaqpen qorqytyp, kún saiyn zorlaǵany belgili boldy.
Jábirlenýshi qutqarylǵan soń politseiler kúdiktini tapty. Ol eki táýlik boiy jasyrynǵan. Jumadan senbige qaraǵan túni qolǵa tústi.
