Biologtar biylǵy jazdyń basynda Resei men Germaniia aýmaǵynda koronavirýstyń jańa túriniń jańa shtammy tarala bastaǵanyn anyqtady. Onyń genomy SARS-CoV-2 beta jáne delta nusqalarynyń negizgi mýtatsiialaryn biriktiredi. Ǵalymdar jańa túrdiń sipattamasyn bioRxiv-te jariialady, dep habarlaidy QazAqparat TASS agenttigine silteme jasap.
«B.1.1.523 jelisindegi koronavirýstyń bul túri Resei aýmaǵynda osy jyldyń aqpan aiynda paida bolǵan dep boljanýda. Ol tek mamyr-maýsym ailarynda belsendi túrde tarala bastady. Bul túrdiń genomynda virýstyń beta jáne delta shtamdaryna tán kóptegen mýtatsiialar bar», - dep jazdy zertteýshiler.
Pandemiianyń bir jarym jylynda jańa tiptegi koronavirýs genomynda kóptegen usaq mýtatsiialar paida boldy. Olardyń keibireýleri virýstyń ómir súrýine áser etpeidi, al basqalary onyń tez juǵýyna yqpal etedi. Osyǵan bailanysty uqsas mýtatsiiasy bar virýstyń shtamdary búkil planetada tez taralady.
Jańa jumysta Maastriht ýniversitetiniń (Niderlandy) professory Paýl Savelkaýl bastaǵan zertteýshiler osyndai evoliýtsiianyń alǵashqy mysaldarynyń birin tapty.
Jańa shtamm – reseilik shtammnyń B. 1.1.523 túri. Onyń alǵashqy tasymaldaýshylary osy jyldyń aqpan aiynda Máskeýde anyqtaldy, sodan keiin olar Resei, Germaniia jáne basqa da Eýropa elderinde tarala bastady.
