Máskeýde bir otbasynyń qos múshesi qarbyzdan ýlanyp, ajal qushty, dep habarlady "Ult aqparat" RIA Novosti agenttigine silteme jasap.
Otbasy qarbyzdy iri saýda jelileriniń birinen satyp alǵan bolyp shyqty. Úide ony 15 jasar qyz ben anasy, sondai-aq ájesi jegen. Beisenbide qarbyz jegennen keiin olardyń densaýlyǵy nasharlap ketken.
BAQ málimetinshe, jedel járdem eki ret shaqyrylǵan. Olar keiingi shaqyrtýdan soń ǵana aýrýhanaǵa jatqyzylǵan.
Kelesi kúni ájesi men nemeresi aýrýhanada qaitys boldy. Al, anasyn dárigerler aman alyp qaldy.
Sondai-aq, otbasynda qyzdyń ákesi de aman qalǵan. Er adam qarbyz jemegen bop shyqty.
Politsiia Resei Qylmystyq kodeksiniń 238-baby (abaisyzda adam ólimine ákep soqtyrǵan qaýipsizdik talaptaryna sáikes kelmeitin qyzmet kórsetý) boiynsha is qozǵady.
Oqiǵadan keiin tergeýshiler páterdegi barlyq taǵamdy tekserip shyǵatyny belgili boldy.
