Foto: RF Qorǵanys ministrligi
Reseide Belgorod oblysynyń biligi áskeri ushaq qulaǵanyn habarlady, dep jazady Sputnik Qazaqstan.
"Qorǵanys ministrliginiń ushaǵy Valýisk aýdanynda apatqa ushyrady. Qazir oqiǵa ornynda jedel-tergeý toby men tótenshe jaǵdailar ministrliginiń qyzmetkerleri jumys istep jatyr. Oqiǵanyń sebebi anyqtalyp jatyr, jaǵdai baqylaýǵa alyndy", - dedi óńir gýbernatory Viacheslav Glavkov óziniń Telegram-kanalynda.
Qorǵanys ministrligi Sý-25 shabýyldaýshy ushaǵy jaýyngerlik tapsyrmany oryndaǵannan keiin qulaǵanyn málimdedi.
"Resei Aeroǵarysh kúshteriniń Sý-25 ushaǵy jaýyngerlik tapsyrmany oryndaǵannan keiin Belgorod oblysynyń bazalyq aerodromyna qaityp kele jatqanda apatqa ushyrady. Ushqysh qaza tapty", - dep habarlady vedomstvo.
Olar "ushaq adam joq ashyq alańǵa qulady, esh nárse zaqymdanbady" dep naqtylady.
Aldyn ala málimet boiynsha, apatqa tehnikalyq aqaý sebep bolǵan.
