Reseidiń Irkýtsk qalasy túbinde An-2 ushaǵy qulady. Onyń bortynda jeti adam bolǵan, dep habarlaidy QazAqparat TASS aqparat agenttigine silteme jasap.
«Aldyn ala málimet boiynsha, ushaqtyń qulaǵan jeri anyqtaldy. Ol – aerodromǵa jaqyn ornalasqan Pivovariha eldi mekeniniń mańy. Ushaq qonar kezde ekinshi ret ainalyp, radarlardan joǵalyp ketken», - dep baiandady agenttik derekkózi. Irkýstsk aýdany AQ jáne TJ qyzmetiniń direktory Oleg Fedotovtyń TASS agenttigine habarlaýynsha, áýe kemesi ormanǵa qulaǵan.
TJM naqtylaǵan málimetinshe, onyń bortynda segiz emes, jeti adam boldy. TASS derekkózi olardyń ekipaj músheleri bolǵanyn qosa aita ketti.
Shuǵyl qyzmetterden ushaqtyń otqa oranǵany, onyń qasyndaǵy shóp órtenip, órttiń áli sóndirilmegenin habarlandy. Jalyn 300 sharshy metr aýmaqty sharpyǵan.
«Naqtylanǵan málimetterge sáikes, ushaqtyń 10 sharshy metr aýdany, 300 sharshy metrge tógilgen otyn órtenip jatyr. Oqiǵa ornynda 46 adam men 17 tehnika jumys isteýde. Resei TJM arnaiy kúsh-quraldaryn kóbeitip otyr», - dedi vedomstvodan.
Ushaqtyń bortynda bolǵandardyń barlyǵy qaza tapty.
Bort Belarýstiń «Grodno» áýe kompaniiasynyń ieliginde. Tasymaldaýshy basshylyǵy zardap shekken An-12 ushaǵyna qatysty aqparatty tekserip otyrǵanyn málimdedi.
Ushaq júk tasymaldaǵan edi.
«Áýe kemesi Chýkot AA-da halyqtyq tutynýǵa arnalǵan azyq-túlikterdi tasymaldap, áýejaiǵa qaityp ushyp kele jatty», - dep qosyp ótti Rosaviatsiiadan.
Vedomstvodan atap ótkendei, Irkýtskke qonar aldynda, ushaq ekipajy ekinshi ainalymǵa ótý qajettiligi týraly jetkizdi.
