Shyǵys Qazaqstan oblysy Shemonaiha aýdanynda 6 jyl boiy zańsyz zeinetaqy alyp kelgen reseilik anyqtaldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, kóshi-qon qyzmetiniń mamandary zeinetaqy tóleý jónindegi memlekettik ortalyqpen salystyryp-tekserý júrgizý kezinde Shemonaiha aýyly turǵynynyń Resei Federatsiiasynyń azamattyǵyn alǵanyn anyqtady.
Belgili bolǵandai, er adam 2005 jyly RF Altai aimaǵynda sol eldiń azamattyǵyn qabyldaǵan.
Alaida sol týraly QR Ishki ister organdaryna habarlamady.
Osylaisha ol Resei azamaty bola otyryp, 6 jyl boiy Qazaqstan aýmaǵynda zeinetaqy jasyna jetkennen keiin ai saiyn zeinetaqy alyp kelgen.
«Oǵan QR qujattaryn paidalanǵany úshin ÁQBtK-niń 496-baby boiynsha 100 AEK kóleminde aiyppul salyndy. Qazirgi ýaqytta qazaqstandyq qujattary tárkilengen er adam el azamattyǵynan aiyryldy», - dedi oblystyq PD bastyǵy Saǵat Mádiev.
