Pavlodar oblysynda Resei Federatsiiasynyń azamattyǵyn alǵanyn jasyrǵan áiel ákimshilik jaýapkershilikke tartylyp, oǵan 735 250 teńge kóleminde aiyppul salyndy, dep habarlaidy ult.kz.
Qazaqstan zańnamasyna sáikes, elde qos azamattyqqa jol berilmeidi. Iaǵni, bir adam bir mezgilde Qazaqstan Respýblikasynyń jáne ózge memlekettiń azamaty bola almaidy.
Pavlodar oblysy politsiia departamentiniń málimetinshe, biylǵy alty aida óńirde 332 adam Qazaqstan azamattyǵynan shyqqan. Onyń ishinde 328 azamat óz erkimen basqa memlekettiń azamattyǵyn alǵanyn habarlaǵan.
Oblystyq PD kóshi-qon qyzmeti basqarmasynyń bastyǵy Qanat Sartovtyń aitýynsha, basqa memlekettiń azamattyǵyn ielene tura Qazaqstan Respýblikasynyń qujattaryn paidalanǵan 12 adam anyqtalǵan. Sondai-aq 18 azamat ózge eldiń azamattyǵyn alǵany týraly belgilengen merzimde habarlamaǵany úshin jaýapkershilikke tartylǵan.
Tekserý barysynda politsiia qyzmetkerleri 2022 jyly Resei Federatsiiasynyń azamattyǵyn alyp, Resei tólqujatyn rásimdegen Qazaqstan azamatyn anyqtady. Áiel bul týraly ýákiletti organdarǵa habarlamaǵan jáne Qazaqstan Respýblikasynyń jeke basyn kýálandyratyn qujattaryn zańsyz paidalanýdy jalǵastyrǵan.
Atalǵan quqyq buzýshylyq úshin oǵan 735 250 teńge kóleminde ákimshilik aiyppul salyndy.
