Májilis depýtattary táýelsizdiktiń 30 jyldyǵyna orai jasalatyn raqymshylyq eldegi qylmys deńgeiine qalai áser etetinin surady, dep habarlaidy Sputnik Qazaqstan tilshisi.
Májilistiń jalpy otyrysynda Qazaqstan Táýelsizdiginiń otyz jyldyǵyna bailanysty raqymshylyq jasaý týraly zań jobasy talqylandy. Suraq-jaýap barysynda depýtat Ámirhan Rahymjanov qoǵamda raqymshylyq eldegi qylmystyń ósýine qalai áser etedi degen alańdýshylyq baryn aitty.
"Raqymshylyq boiynsha sottalǵandardyń bostandyqqa shyǵýy qylmys deńgeiiniń artýyna alyp kelmei me? Óitkeni bostandyqqa shyqqandar taǵy da zań buzýy múmkin ǵoi. Politsiia organdary osy baǵytta qandai sharalardy júzege asyrýdy josparlap otyr?", - dep surady ol ishki ister ministrinen.
Erlan Turǵymbaev raqymshylyqqa qylmysy asa aýyr emes jáne aýyrlyǵy ortasha qylmys úshin jazasyn ótep jatqan azamattar iligetinin atap ótti.
"Birinshiden, bosatylǵannan keiin probatsiiadaǵy qyzmetkerler, ýchaskelik inspektorlar olardy profilaktikaǵa qoiady. Ekinshiden, jumys máselesin sheshedi, bárin jumysqa ornalastyrý kerek. Al endi baǵynbasa, zańdy túrde normalar bar, soǵan súienip taǵy jaýapqa tartamyz", - dep jaýap berdi ministr.
Buǵan deiin IIM basshysy raqymshylyq týraly zań jobasyna sáikes, 2 236 sottalýshyǵa, probatsiialyq baqylaýda turǵan 11 310 adamǵa raqymshylyq jasalatynyn málimdedi. Sonyń ishinde 1 myń tutqyn túrmeden bosatylady.
