Quryltaidyń alǵashqy otyrysynda tóraǵa orynbasarlary men turaqty komitetterdiń basshylary sailandy, dep habarlaidy ult.kz.
«Qazaqstan Respýblikasynyń Quryltaiy jáne onyń depýtattarynyń mártebesi týraly» Konstitýtsiialyq zańnyń 11-babyna sáikes, Quryltai tóraǵasy Aibek Dádebai óziniń orynbasarlary qyzmetine Nurlan Beknazarov, Daniia Espaeva jáne Dinara Zákievanyń kandidatýralaryn usyndy.
Daýys berý ashyq formatta ótip, depýtattar usynylǵan kandidatýralardy qoldady.
Sonymen qatar Quryltai quramynda segiz turaqty komitet quryldy. Olardyń tóraǵalary bolyp:
- Serik Egizbaev — Agrarlyq máseleler, ekologiia jáne tabiǵi resýrstar komiteti;
- Únzila Shapaq — Konstitýtsiialyq zańnama, sot júiesi jáne quqyq qorǵaý organdary komiteti;
- Marat Qojaev — Halyqaralyq ister, qorǵanys jáne qaýipsizdik komiteti;
- Ámirbek Ospanbekov — Óńirlik jáne infraqurylymdyq damý komiteti;
- Ashat Aimaǵambetov — Áleýmettik-mádeni damý komiteti;
- Olga Perepechina — Qarjy jáne biýdjet komiteti;
- Darhan Ahmediev — Tsifrlandyrý, innovatsiialar jáne ǵylym komiteti;
- Natalia Godýnova — Ekonomikalyq saiasat, ónerkásip jáne energetika komiteti sailandy.
