Búgin el tarihynda alǵash ret Quryltai sailaýy kúni jalpyulttyq onlain-marafon ótip jatyr. 16 saǵatqa josparlanǵan tikelei efir saǵat 09:00-den 00:30-ǵa deiin jalǵasady, dep habarlaidy ult.kz.
Marafon barysynda sailaý barysy týraly jedel aqparat, sarapshylar pikiri, arnaiy reportajdar men tikelei qosylymdar usynylady. Efirge qoǵam qairatkerleri, sarapshylar, jýrnalister, blogerler, sportshylar jáne shyǵarmashylyq sala ókilderi qatysady.
AQSh, Resei, Túrkiia, Qytai jáne Belgiiadan, sondai-aq Qazaqstannyń barlyq óńirinen tikelei qosylymdar uiymdastyrylǵan. Ár eki saǵat saiyn sheteldegi daýys berý barysy týraly aqparat beriledi.
Sonymen qatar marafonda qoǵamdyq-saiasi, áleýmettik-ekonomikalyq jáne mádeni máseleler talqylanyp, azamattardyń pikirleri tyńdalady. Astana, Almaty jáne Shymkentten de arnaiy reportajdar kórsetiledi.
Marafonnyń tikelei efirin respýblikalyq jáne óńirlik mediaresýrstardyń YouTube arnalary men aqparattyq portaldarynan kórýge bolady.
