Jańa bir palataly Quryltai depýtattarynyń Qazaqstan halqyna ant berý rásimi bastaldy, dep habarlaidy ult.kz.
Alǵash bolyp antty «Ádilet» partiiasynyń depýtaty Konstantin Avershin oqydy.
«Qazaqstan halqyna adal qyzmet etýge, Qazaqstan Respýblikasynyń tutastyǵy men táýelsizdigin nyǵaitýǵa, onyń Konstitýtsiiasy men zańdaryna qatań baǵynýǵa jáne depýtat retinde maǵan júktelgen joǵary mindetterdi adal oryndaýǵa ant etemin», – delingen ant mátininde.
Búgin, 28 tamyzda Memleket basshysy birinshi shaqyrylymdaǵy Quryltaidyń alǵashqy sessiiasyn ashty.
Eske salaiyq, 1 shildeden bastap Qazaqstanda jańa Konstitýtsiia kúshine endi. Osydan keiin Májilis pen Senat jumysyn toqtatyp, depýtattarynyń ókilettigi merziminen buryn toqtatyldy. Eki palataly Parlamenttiń ornyna bir palataly Quryltai quryldy.
Jańa Quryltai quramyna bes jyl merzimge sailanatyn 145 depýtat kiredi.
