Qazaqstan Ulttyq banki «Mifter, ańyzdar, ázil álemi» seriiasy aiasynda «Qozy Kórpesh – Baian Sulý» kollektsiialyq monetasyn ainalymǵa shyǵarady, dep habarlaidy ult.kz.
Moneta 2026 jylǵy 2 qyrkúiekten bastap Ulttyq banktiń internet-dúkeninde satylymǵa shyǵady.
Kollektsiialyq monetanyń dizainy qazaqtyń áigili «Qozy Kórpesh – Baian Sulý» dastanynyń jelisimen jasalǵan. Poema qazaq folkloryndaǵy máńgilik mahabbat, adaldyq pen ólmes sezimdi dáripteitin qundy muralardyń biri sanalady.
Moneta melhior qospasynan (MN 25) jasalǵan. Daiyndaý kezinde tampondy baspa tehnologiiasy qoldanylǵan. Massasy – 15 gramm, diametri – 33 millimetr, nominaly – 200 teńge. Taralymy – 7 myń dana.
Monetanyń daiyndaý sapasy – brilliant uncirculated.
Kollektsiialyq monetalar Qazaqstannyń búkil aýmaǵynda belgilengen nominaly boiynsha barlyq tólem túrine qabyldanady. Sondai-aq olardy eldegi bankterde bank shottaryna esepke alýǵa, aýdarýǵa, usaqtaýǵa jáne aiyrbastaýǵa bolady.
Monetalar Qazaqstan teńge saraiynda daiyndalǵan.
Aita keteiik, buǵan deiin Ulttyq banktiń Konstitýtsiiaǵa arnalǵan kollektsiialyq monetany ainalymǵa shyǵaratyny habarlanǵan bolatyn.
