Qostanai oblysynyń Jitiqara qalasynda áieli men jasóspirim ógei ulyna pyshaq jumsaǵan er adamǵa sot úkimi shyqty. Jasóspirim alǵan jaraqatynan kóz jumǵan, dep habarlaidy ult.kz.
Sottalýshyǵa Qazaqstan Respýblikasy Qylmystyq kodeksiniń 24-baby 3-bóligi, 99-baby 1-bóligi jáne 99-baby 2-bóliginiń 10, 13 jáne 14-tarmaqtary boiynsha aiyp taǵylǵan.
Oqiǵa biyl sáýir aiynda bolǵan. Sot materialdaryna sáikes, er adam áielimen janjaldasyp, oǵan pyshaq suqqan. Osy sátte jasóspirim ógei ákesin toqtatýǵa áreket jasaǵan. Alaida er adam onyń keýde tusyna pyshaq suǵyp, aýyr jaraqat salǵan. Jasóspirim oqiǵa ornynda qaza tapqan.
Osydan keiin sottalýshy áieline qaita shabýyl jasaǵan. Alaida áieldi onyń aǵasy qutqaryp qalǵan.
Memlekettik aiyptaýshy sottan er adamdy 22 jylǵa bas bostandyǵynan aiyrýdy surady. Al jábirlenýshiler sottalýshyǵa ómir boiyna bas bostandyǵynan aiyrý jazasyn taǵaiyndaýdy talap etti.
Sot barysynda er adam kinásin moiyndap, jábirlenýshilerden keshirim suraǵan. Sondai-aq qylmys kezinde onyń mas bolǵany anyqtaldy.
Sot úkimimen er adam 23 jylǵa bas bostandyǵynan aiyryldy.
Úkim ázirge zańdy kúshine engen joq.
