QazTehna jáne Allur kompaniialarynyń qyzmetkerleri Qazaqstan Respýblikasy Quryltaiy depýtattaryn sailaýǵa belsendi qatysty.
Saran qalasyndaǵy QazTehna kásipornynda 900-den astam adam jumys isteidi. Olardyń kópshiligi sailaý ýchaskelerine otbasylarymen birge keldi.
«Men úshin ár sailaýǵa qatysý – el bolashaǵyna áser etetin sheshimderdi ózim qabyldaýǵa múmkindik. Biz otbasymyzben birge keldik. Osylaisha balalarymyz da memlekettiń ómirine belsendi aralasady», – dedi «QazTehna» JShS logistika jónindegi direktory Baqytjan Altaev.
Onyń áriptesi, ýchaske sheberi Sanat Áshimov te jaýapkershiliktiń tek jumysta ǵana mańyzdy emes ekenin atap ótti.
«Men óndiris salasynda jumys isteimin jáne barlyǵymyz siiaqty kún saiyn nátijege jaýap berýge úirengenmin. Óz tańdaýymyzǵa da jaýapkershilikpen qaraý kerek dep esepteimin», – dedi ol.
Daýys berý kúni Qostanaidaǵy Allur zaýytynyń ujymy da joǵary belsendilik tanytty. Keibir qyzmetkerler jumys aýysymy bastalǵanǵa deiin, endi biri jumystan keiin sailaý ýchaskesine keldi. Kópshilik úshin daýys berý otbasylyq dástúrge ainaldy.
№859 sailaý ýchaskesine Shopanovtar otbasy – Allur kásipornyndaǵy eńbek dinastiiasynyń ókilderi birge keldi.
Bekejan Tóleýuly sheber bolyp jumys isteidi, jubaiy Laila Kamiialovna muraǵatty basqarady, al uly Ramazan sapany baqylaýdyń ishki protsesteriniń júielik baǵytyna jaýap beredi. Olardyń árqaisysy zaýytqa óz jolymen kelgen. Alaida búgin olardy tek ortaq jumys emes, otbasylyq tarih ta biriktirdi.
«Otbasymyzdaǵy da, elimizdiń ómirindegi de kez kelgen mańyzdy oqiǵany birge ótkerý biz úshin mańyzdy. Jumysta árkimniń óz jaýapkershiligi bar, al búgin munda elimizdiń azamattary retinde keldik. Bolashaq bizdiń erkimizge, sonyń ishinde otbasymyzdyń sheshimine de bailanysty ekenin jaqsy túsinemiz», – dedi Bekejan Shopanov.
Ramazan Shopanov barlyq iste jaýapkershilikpen qaraý otbasynda qalyptasatynyn atap ótti.
«Men eńbek pen óz isińe degen jaýapkershilikti árdaiym baǵalaityn otbasynda óstim», – dedi ol.
Qostanai men Sarandaǵy mashina jasaý kásiporyndarynyń ujymdary úshin sailaýǵa qatysý – konstitýtsiialyq quqyqtaryn júzege asyryp, Qazaqstannyń bolashaǵyna jeke úles qosýǵa jáne óz erkin bildirýge múmkindik boldy.
Úlken ózgerister ár adamnyń sheshiminen qalyptasady. Búgin myńdaǵan qazaqstandyq mashina jasaýshy óz tańdaýyn jasady.
