Pavlodar oblysynda stýdentter men iri kásiporyn qyzmetkerlerinen aqsha bopsalady degen kúdikke ilingen top ustaldy, dep habarlaidy ult.kz.
Arnaiy operatsiiany Pavlodar oblysy politsiia departamentiniń uiymdasqan qylmysqa qarsy kúres basqarmasy men Ulttyq qaýipsizdik komiteti departamentiniń qyzmetkerleri birlesip júrgizdi. Nátijesinde Aqsý jáne Ekibastuz qalalarynda birneshe ret bopsalaý áreketin jasady degen kúdikke ilingen adamdar qolǵa tústi.
Aldyn ala málimet boiynsha, kúdiktiler jábirlenýshilerdi qorqytyp, olardan júieli túrde aqsha talap etken. Zardap shekkenderdiń arasynda stýdentter men iri óndiris oryndarynyń qyzmetkerleri bolǵan.
Tintý barysynda kúdiktilerden qolma-qol aqsha, uialy telefondar, bank kartalary, qujattar jáne qylmystyq iske qatysty ózge de aiǵaqtar tárkilendi. Sondai-aq olar paidalanǵan kólikter aiyp turaǵyna qoiyldy.
Pavlodar oblysy politsiia departamentiniń uiymdasqan qylmysqa qarsy kúres basqarmasy bastyǵynyń orynbasarynyń aitýynsha, bopsalaý derekteri boiynsha qylmystyq is qozǵalǵan. Politsiia bólimshesine 10 adam jetkizilip, olardyń tórteýi sot sanktsiiasymen qamaýǵa alynǵan. Qazirgi ýaqytta kúdiktilerdiń osyǵan uqsas ózge de qylmystarǵa qatysy bar-joǵy tekserilip jatyr.
