Jambyl oblysynyń Qordai aýdanynda qoqys konteinerinen jańa týǵan sábi tabyldy, dep habarlaidy ult.kz.
Oqiǵa Gvardeisk garnizony aýmaǵynda bolǵan. Qoqys konteinerleriniń birinen tabylǵan náreste týraly aqparatty aýdandyq politsiia bóliminiń ókilderi rastady.
Qazir oqiǵa ornynda jedel-tergeý toby jumys istep jatyr. Aldyn ala málimet boiynsha, sábi – qyz bala. Dárigerlerdiń aitýynsha, onyń ómirine qaýip tónip turǵan joq.
Náresteni qoqys konteinerine kim jáne qandai jaǵdaida tastaǵany ázirge belgisiz. Politsiia oqiǵanyń mán-jaiyn anyqtap jatyr.
