Jambyl oblysyndaǵy «Qordai» avtokóliktik shekaralyq baqylaý bóliminde shetel azamatynyń júginen deklaratsiialanbaǵan 350 myń AQSh dollary tabyldy, dep habarlaidy ult.kz.
Ulttyq qaýipsizdik komitetiniń Shekara qyzmetiniń málimetinshe, atalǵan qarajatty memlekettik shekara arqyly zańsyz alyp ótpek bolǵan. Tekserý barysynda anyqtalǵan 350 myń AQSh dollarynyń jalpy quny shamamen 170 mln teńgeni quraidy.
UQK Shekara qyzmeti elden qolma-qol aqshany zańsyz shyǵarýǵa tosqaýyl qoiý baǵytynda turaqty baqylaý júrgizip jatqanyn málimdedi. Sonyń nátijesinde biylǵy 30 maýsym men 7 shilde aralyǵynda Qazaqstannyń memlekettik shekarasyndaǵy ótkizý beketterinde osyndai 38 quqyq buzýshylyq deregi tirkelgen.
Osy kezeńde jalpy quny 636 million teńgeden asatyn deklaratsiialanbaǵan shetel valiýtasy anyqtalǵan.
«Atalǵan derek boiynsha materialdar protsessýaldyq sheshim qabyldaý úshin quzyretti organdarǵa joldandy», – dep málimdedi UQK Shekara qyzmeti.
Vedomstvo ókilderi qoldanystaǵy zańnamaǵa sáikes Qazaqstan aýmaǵynan balamasy 10 myń AQSh dollarynan asatyn qolma-qol aqshany deklaratsiiasyz alyp shyǵýǵa tyiym salynatynyn taǵy bir márte eske saldy.
