Qazaqstan musylmandary dini basqarmasy respýblikalyq Bas meshitke «Nursultan meshiti» ataýy resmi túrde berilgenin málimdedi, dep habarlaidy ult.kz.
QMDB taratqan aqparatqa sáikes, jańa ataý endi resmi qoldanysqa engiziledi.
«Respýblikalyq Bas meshit – elordanyń ǵana emes, búkil Qazaqstan musylman qaýymynyń ortaq rýhani ordasy. Ol halyqtyń birligin nyǵaitýǵa, beibitshilik pen kelisimdi dáripteýge, izgilik pen meiirimdilik qundylyqtaryn nasihattaýǵa, sondai-aq imandylyq pen adamgershilikke negizdelgen igi bastamalardy qoldaýǵa qyzmet etip keledi», – delingen dini basqarmanyń habarlamasynda.
Sondai-aq QMDB jańa ataýmen Bas meshit aldaǵy ýaqytta da eldiń rýhani ómirine úles qosyp, qoǵamdaǵy birlik pen yntymaqty nyǵaitýǵa, dástúrli rýhani qundylyqtardy saqtaýǵa jáne igi bastamalardy qoldaýǵa qyzmetin jalǵastyratynyn atap ótti.
