Túrkistan oblysynda ózderin Qarjylyq monitoring agenttiginiń qyzmetkerleri retinde tanystyryp, meditsina uiymynyń basshysynan 15 mln teńge talap etken eki adam ustaldy, dep habarlaidy ult.kz.
QMA málimetinshe, alaiaqtar meditsinalyq mekemede «zańbuzýshylyqtar anyqtalǵanyn» aityp, basshyny qylmystyq jaýapkershilikke tartamyz dep qorqytqan. Sonymen qatar aqsha berse, jaýapkershilikten qutqaramyz dep ýáde etken.
Olar bastapqyda 5 mln teńge alǵan, keiin qalǵan 10 mln teńgeni berýdi talap etken.
8 tamyzda kúdiktilerdi Túrkistan oblysy boiynsha Ekonomikalyq tergep-tekserý departamentiniń qyzmetkerleri QMA Ózindik qaýipsizdik departamentimen birlesip, aqsha alyp jatqan jerinde ustady.
Sot kúdiktilerdi qamaýda ustaýǵa sanktsiia berdi. Qazir tergeý jalǵasyp jatyr.
QMA azamattardy alaiaqtardyń mundai áreketterinen saq bolýǵa shaqyrdy. «Jaýapkershilikke tartamyz» dep qorqytyp nemese jazadan qutqarýǵa ýáde berip, aqsha talap etý — zańsyz.
Mundai faktiler týraly QMA-nyń 1458 Call-ortalyǵyna dereý habarlaý qajet.
Agenttik azamattardy qarjylyq monitoring organdaryna shaqyrý tek sotqa deiingi tergep-tekserý sheńberinde jáne zańda belgilengen tártippen rásimdelgen resmi shaqyrý qaǵazy arqyly júzege asatynyn eske saldy.
