Qazaqstandyq «QazVac» vaktsinasy «delta» shtamynan tiimdi qorǵaidy. Mundai nátijeni QR BǴM Biologiialyq qaýipsizdik problemalarynyń ǵylymi-zertteý institýtynyń ǵalymdary júrgizgen zertteýler kórsetti, dep habarlaidy QR BǴM baspasóz qyzmeti.
Ǵalymdar beitaraptandyrý reaktsiiasyna test ótkizdi, nátijesinde otandyq «QazVac» vaktsinasymen egilgender antidenelerdiń joǵary deńgeiin kórsetti. Virýsty beitaraptandyratyn antideneler klinikalyq zertteýlerge qatysqan eriktilerdiń 90%-nan astamynda anyqtaldy.
Sondai-aq zerthanalyq janýarlarǵa tájiribeler júrgizildi. QazVac vaktsinatsiiasynan keiin homiaktarda paida bolǵan antideneler koronavirýstyń «úndi shtammyn» beitaraptandyrýǵa qabiletti ekendigi anyqtaldy.
«Biz QazVac vaktsinasy qurǵan antidenelerdiń «ýhan», «britandyq alfa», «úndilik delta» siiaqty koronavirýstyń jańa shtamdaryn beitaraptandyrý qabiletin anyqtaý maqsatynda zertteý júrgizdik. Nátijeler vaktsinatsiiadan keiingi antidenelerdiń immýnitetti qalyptastyratynyn jáne virýstyń úsh túrin de beitaraptandyrýǵa qabiletti ekenin kórsetti. Sondai-aq biz zerthanalyq janýarlarǵa tájiribeler júrgizdik: «QazVac» vaktsinasyn alǵan jáne vaktsinatsiialanbaǵan zerthanalyq homiaktardy aldyq. Biraz ýaqyttan keiin olarǵa delta shtammyn juqtyrdyq. Nátijesinde vaktsinatsiialanbaǵan homiaktar koronavirýstyń delta shtammyn juqtyrdy. Al «QazVac» vaktsinasymen egilgen janýarlar aýyrmai, «delta» virýsynyń shtammynan qorǵalǵan bolyp shyqty», – dep atap ótti QR BǴM ǴK biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
Alynǵan málimetter «QazVac»-tyń koronavirýstyń bar shtamdaryna qarsy tiimdiligin, onyń ishinde otandyq vaktsinanyń delta shtammynan qorǵaý qabiletin rastady.
Aita keteiik, koronavirýsyna qarsy «QazVac» vaktsinasyn QR BǴM Ǵylym komitetiniń Biologiialyq qaýipsizdik problemalary ǵylymi-zertteý institýtynyń ǵalymdary ázirlegen. 60 jyldan astam tarihy bar BQPǴZI-da biologiialyq qaýipsizdik, virýsologiia, mikrobiologiia, immýnologiia salasynda jumys tájiribesi mol. Institýt ǵalymdary preparattardyń 60-tan astam túrin, sonyń ishinde 30 vaktsinany, 16 test-júieni jáne 15-ten astam túrli biopreparattardy ázirlep, engizdi. Sońǵy 10 jylda institýt qus jáne shoshqa tumaýyna qarsy otandyq vaktsinalardy daiyndaý tehnologiiasyn jasady.
