Biologiialyq qaýipsizdik problemalary ǵylymi-zertteý institýtynyń infektsiialyq aýrýlardyń aldyn alý jónindegi zerthana meńgerýshisi Nýrika Asanjanova otandyq QazVac vaktsinasynyń shtamm quramyna ózgerister engizilgenin málim etti, dep habarlaidy QazAqparat tilshisi.
«QazVac vaktsinasy da basqa ekpeler siiaqty koronavirýstyń barlyq jańa nusqalaryna qarsy immýnogendik belsendilikke ie. Geterologiialyq virýstyń jalǵyz tiimdiligi sál tómen. Iaǵni qai jaǵdaida da tiimdi. Vaktsinaǵa koronavirýstyń jańa shtamdaryn engizý týraly aitsaq, onyń tiimdiligin arttyrý úshin biz shtamm quramyna ózgerister engizdik. Qazir ol turaqtylyq, qaýipsizdik jáne immýnogendilik boiynsha baqylaýda tur. Biz janýarlarǵa synaq júrgizdik. Qazir retteýshi organdarmen vaktsinanyń ózgertilgen quramyn shyǵarýǵa ruqsat alý úshin kelissózder júrip jatyr», - dedi zerthana meńgerýshisi.
