Qazaqstandyq QazVac vaktsinasy Qyrǵyzstanda resmi túrde tirkeldi, dep habarlaidy "Ult aqparat".
Bul týraly Densaýlyq saqtaý ministri Aleksei Tsoi Facebook paraqshasynda málim etti.
«QazVac Qyrǵyzstanda resmi tirkeldi», - dep jazdy ministr.
Eske salsaq, QazVac vaktsinasynyń 25 myń dozasy Qyrǵyzstanǵa gýmanitarlyq kómek retinde jetkizilgen bolatyn.
Osydan bir ai buryn Prezident Úkimetke QazVac-ty eksporttaý máselesin pysyqtaýdy tapsyrǵan edi.
Al álemge tanymal The Lancet jýrnalynda «QazVac» vaktsinasy týraly maqala shyqty.
«The Lancet jýrnaly otandyq «QazVac» vaktsinasyn klinikalyq zertteýdiń 1-2 fazasynyń nátijeleri týraly maqalany qabyldap, elektrondyq nusqasyn basyp shyǵardy. Biologiialyq qaýipsizdik problemalarynyń ǵylymi-zertteý institýtynyń ǵalymdaryn maqalanyń jariialanýymen quttyqtaimyn!», - degen bolatyn Bilim jáne ǵylym ministri Ashat Aimaǵambetov.
