Almaty qalasynyń sottary QazTAG bas redaktory Ámir Qasenovke qatysty bultartpaý sharasynyń merzimi aiaqtaldy degen aqparattyń shyndyqqa sáikes kelmeitinin málimdedi, dep habarlaidy ult.kz.
Sottyń túsindirýinshe, Almaty qalasynyń Almaly aýdandyq sotynyń óndirisindegi qylmystyq is boiynsha sýdia 2026 jylǵy 5 maýsymda buryn tańdalǵan úiqamaq túrindegi bultartpaý sharasyn ózgerissiz qaldyrý týraly sheshim qabyldaǵan.
«Osyǵan bailanysty bultartpaý sharasynyń merzimi aiaqtaldy degen málimdemeler sot aktisiniń mazmunyna sáikes kelmeidi», – delingen Almaty sottary baspasóz qyzmetiniń habarlamasynda.
Sot Qazaqstan Respýblikasy Qylmystyq-protsestik kodeksiniń 319-babyna sáikes qylmystyq is sotqa túsken kezde sýdia bultartpaý sharasy máselesin de qatar qaraitynyn atap ótti.
Sondai-aq sot qaýlylarynyń «Sot kabineti» aqparattyq júiesine ornalastyrylatyny, al protseske qatysýshylar men olardyń qorǵaýshylary sot aktilerimen zańda belgilengen tártippen tanysa alatyny eske salyndy.
Budan bólek, sot júktelgen shekteýler men mindetter buzylǵan jaǵdaida bultartpaý sharasyn qatańdatýǵa, onyń ishinde neǵurlym qatań shara qoldanýǵa quqyly ekenin málimdedi.
