Naǵi Baqytbekov «Qazsport» telearnasynyń direktory bolyp taǵaiyndaldy. Bul týraly arnanyń resmi saitynda habarlandy.
«Qazaqstan» RTRK» AQ Basqarma tóraiymy Lázzat Tanysbai ujymǵa jańa basshyny tanystyryp, N.Baqytbekovtiń taǵaiyndalýy arnanyń qyzmetine jańa serpin berip, odan ári damýyna yqpal etetinine senim bildirdi.
Naǵi Baqytbekov 1987 jyly dúniege kelgen. Buǵan deiin «KazFootball» aqparattyq fýtbol portalynyń direktory, sońǵy úsh jylda Qazaqstan fýtbol federatsiiasy Marketing jáne PR departamentiniń direktory qyzmetin atqarǵan.
«Qazsport» arnasy sport jankúierleriniń suranysyna sai ishki chempionattar men halyqaralyq bedeldi básekelerden habar taratyp qana qoimai, jas jetkinshekterdi sportqa baýlyp, qazaqstandyqtardyń salaýatty ómir saltyn qalyptastyrý isine atsalysýy tiis», - dedi L.Tanysbai.
Sondai-aq Basqarma tóraiymy osyǵan deiin arnany 5 jyldan asa basqarǵan Pavel Tsybýlinniń otandyq sport jýrnalistikasynyń damýyna qosqan úlesi men sińirgen eńbegin atap ótip, atqarǵan jumysy úshin zor alǵys bildirdi.
«P.Tsybýlin tájiribeli maman retinde aýtsorsing kompaniiada «Qazsport» telearnasynyń kontent óndirisi jáne shyǵarmashylyq jobalarmen ainalysady», - dedi L.Tanysbai.
«Qazsport» - Qazaqstandaǵy tuńǵysh ári jalǵyz sporttyq telearna. 2013 jyldyń 1 shildesinen efirge shyǵa bastady.
