Qazaqstandyq vaktsina salǵyzǵan 200-den astam eriktiniń segiziniń aǵzasynda antidene tolyq qalyptaspaǵan, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihatynda BAQ ókilderi otandyq vaktsinanyń klinikalyq synaǵyna qatysqan eriktiler týraly suraq qoidy. «Synaqqa qatysqan 202 eriktiniń ishinde 8 adamnyń aǵzasynda qalaisha antidene oianbaǵan? Ony qalai bildińizder», - degen saýalǵa Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria jaýap berdi.
«Immýnogramma arqyly antideneniń qabiletin kórýge bolady. Immýnitet anyqtalǵan joq degen sózdiń ózi durys emes. Immýnitet bar, biraq tómen, biz belgilegen deńgeige jetpegen. Bul –tabiǵi aǵzanyń tabiǵi úderisi. Negizinen olar jasy 40-tan asqan adamdar bolatyn», - dedi Kunsulý Zakariia.
Ǵalym atalǵan eriktilerdiń virýs juqtyrmaǵanyn da atap ótti.
«Olar aýyrǵan joq. Aǵzalarynda antidene tolyq qalyptaspasa da, tómen shoǵyry paida boldy. Eriktiler arasynda virýs juqtyrǵandar joq. Immýndyq jaýap kóptegen faktorlarǵa, adam denesiniń sol kezdegi kúiine, sozylmaly aýrýlarǵa bailanysty. Osy siiaqty faktorlardy esepke almasaq, eriktilerdiń aǵzasynda vaktsinalardyń jekelegen túrleri immýnitet qalyptastyra alady. Ol úshin aǵzanyń immýndyq deńgeiin kóterý kerek» - dedi maman.
