Qazaqstan shahmat federatsiiasy Samarqandta ótken 2026 jylǵy Dúniejúzilik shahmat olimpiadasynda kúmis júlde ielengen áielder quramasyna 100 million teńge kóleminde syiaqy tóleidi, dep habarlaidy ult.kz 1bol.kz saityna silteme jasap.
Qazaqstan quramasy sapynda kúmis medal jeńip alǵan Bibisara Asaýbaeva, Alýa Nurman, Merýert Qamalidenova, Elnaz Qaliahmet jáne Zarina Nurǵalievanyń árqaisysy 20 million teńgeden syiaqy alady.
Federatsiia quramanyń bapkerlerin de marapattaidy. Komanda kapitany ári bas bapker Pavel Kotsýr men bapker Aleksandr Moiseenkoǵa 20 million teńgeden, al Arystanbek Orazaevqa 5 million teńge beriledi.
Osylaisha, shahmatshylar men bapkerlerge tólenetin syiaqynyń jalpy kólemi 145 million teńgeni quraidy.
Aita keteiik, Qazaqstan áielder quramasy 2024 jylǵy Dúniejúzilik shahmat olimpiadasynda da ekinshi oryn ielengen. Sol kezde de ár shahmatshyǵa 20 million teńgeden syiaqy berilgen.
