«Qazaqstan temir joly» UK» AQ-nyń málimetinshe, 2025 jylǵy qyrkúiekten 2026 jylǵy maýsymǵa deiingi kezeńde astyq pen astyq balamasyndaǵy un eksporty 13,1 mln tonnany qurady, dep habarlaidy ult.kz.
Bul ótken maýsymnyń sáikes kezeńimen salystyrǵanda 13%-ǵa artyq. Atalǵan kezeńde eksport kólemi 11,6 mln tonnany quraǵan.
Eksport kóleminiń ósýine negizinen Ortalyq Aziia elderi men Aýǵanstanǵa jetkizilimderdiń artýy yqpal etti. Atap aitqanda, Ózbekstanǵa eksport 38%-ǵa ósip, 3,9 mln tonnadan 5,5 mln tonnaǵa jetti. Qyrǵyzstanǵa jetkizilim kólemi 1,4 esege artyp, 357 myń tonnadan 504 myń tonnaǵa deiin ulǵaidy. Aýǵanstanǵa eksport 59%-ǵa ósip, 1,4 mln tonnadan 2,2 mln tonnaǵa jetti.
Túrikmenstanǵa jetkizilim kólemi 37%-ǵa artyp, 150 myń tonnadan 205 myń tonnaǵa deiin ósti.
Júk tasymaly kórsetkishteriniń oń serpini qazaqstandyq aýyl sharýashylyǵy ónimderine suranystyń joǵary ekenin jáne ońtústik baǵyttaǵy logistikalyq dálizderdiń turaqty jumys istep turǵanyn kórsetedi. Sonymen qatar bul eksporttyq logistikany damytý jáne sheteldik seriktestermen saýda-ekonomikalyq yntymaqtastyqty keńeitý baǵytynda qabyldanyp jatqan sharalardyń tiimdiligin aiǵaqtaidy.
