Túrkiianyń Alania qalasynda demalyp júrgen Qazaqstan azamatshasy ózine jynystyq sipattaǵy zorlyq-zombylyq jasalyp, uialy telefonynyń tonalǵanyn málimdedi. Bul týraly 31-arnanyń «Informbiýro» baǵdarlamasy habarlady, dep habarlaidy ult.kz.
Aldyn ala málimet boiynsha, 16 shildege qaraǵan túni áiel kúdiktimen tanysyp, keiin ekeýi birge qonaqúige barǵan. Biraz ýaqyttan soń er adam qonaqúiden shyǵyp ketken.
Osydan keiin qazaqstandyq áiel jedel qyzmetke habarlasyp, jańa tanysy ózine jynystyq sipattaǵy zorlyq kórsetip, uialy telefonyn tartyp alǵanyn aitqan.
Jábirlenýshiniń aryzynan keiin Alania qalalyq politsiiasy jedel izdestirý sharalaryn júrgizip, Siriianyń 24 jastaǵy azamatyn kúdikti retinde ustady. Ol aýdarmashynyń qatysýymen jaýap berip, keiin sotqa jetkizilgen.
Sottyń sheshimimen kúdikti tergeý aiaqtalǵanǵa deiin qamaýǵa alyndy.
Qazaqstannyń Syrtqy ister ministrligi ázirge bul oqiǵaǵa qatysty resmi túsinikteme bergen joq.
