QR Ulttyq statistika biýrosynyń málimetinshe, 2026 jylǵy qańtar–mamyr ailarynyń qorytyndysy boiynsha Qazaqstanda 35,1 myń tonna balmuzdaq óndirildi, dep habarlaidy ult.kz.
Óndiristiń eń joǵary kólemi Almaty oblysyna tiesili – 23,3 myń tonna nemese jalpy óndiristiń 66,3%. Iri óndirýshiler qatarynda Túrkistan oblysy (6,0 myń tonna), Almaty qalasy (1,3 myń tonna) jáne Aqmola oblysy (1,1 myń tonna).
Óndirilgen ónimniń negizgi bóligin kilegeili balmuzdaq (15,2 myń tonna) pen plombir (14,3 myń tonna) qurady. Bul jalpy óndiris kóleminiń 80% astamyna teń.
Syrtqy saýda kórsetkishteri de oń serpin kórsetýde. 2026 jylǵy qańtar–sáýir ailarynyń qorytyndysy boiynsha qazaqstandyq balmuzdaq eksporty 6,4 myń tonnany qurap, aqshalai kólemi 24,8 mln AQSh dollaryna jetti. Bul ótken jyldyń sáikes kezeńimen salystyrǵanda naqty mánde 46,4%, al aqshalai mánde 77,0% artyq.
Syrtqy saýda saldosy oń deńgeide qalyptasty: eksport kólemi importtan 2,9 myń tonnaǵa asyp tústi.
Eksporttyń basym bóligi (99,9%) TMD elderine baǵyttaldy. Negizgi ótkizý naryǵy – Resei, oǵan 4,3 myń tonna ónim jóneltildi. Sondai-aq Qyrǵyzstanǵa eksport 68,4%, Ózbekstanǵa 27,7% ósti.
2026 jylǵy qańtar–sáýirde balmuzdaq importy 3,4 myń tonnany qurap, aqshalai kólemi 12,9 mln AQSh dollaryna jetti. Bul ótken jyldyń sáikes kezeńimen salystyrǵanda 10,1% kóp. Balmuzdaqtyń negizgi jetkizýshileri – Resei (1,5 myń tonna), Qyrǵyzstan (1,4 myń tonna), Ózbekstan (178,1 tonna) jáne Túrkiia (156,0 tonna).
