Qazaqstan shekarashylary quny jarty milliard teńgege jýyq veip ónimderin el aýmaǵyna zańsyz ákelý áreketiniń jolyn kesti, dep habarlaidy ult.kz.
Oqiǵa 29 maýsym kúni UQK Shekara qyzmetiniń Qostanai oblysy boiynsha departamentine qarasty «Qairaq» avtomobil ótkizý pýnktinde tirkelgen. Tekserý barysynda júk kóliginiń tirkemesindegi ózge taýarlardyń arasyna jasyrylǵan 27 624 dana veip anyqtaldy.
Aldyn ala esep boiynsha, tárkilengen ónimniń jalpy quny shamamen 500 million teńgeni quraidy.
Atalǵan fakti boiynsha jinalǵan materialdar protsessýaldyq sheshim qabyldaý úshin quzyrly organdardyń qaraýyna joldandy.
Eske sala keteiik, Qazaqstan zańnamasyna sáikes shegilmeitin temeki buiymdaryn, elektrondyq tutyný júielerin (veipterdi), sondai-aq olarǵa arnalǵan hosh iistendirgishter men suiyqtyqtardy elge ákelýge, óndirýge jáne satýǵa tyiym salynǵan.
