Qazaqstan Qytai men Qyrǵyzstan baǵytyndaǵy halyqaralyq áýe qatynasyn keńeitip, jańa turaqty reisterdi iske qosty, dep habarlaidy ult.kz.
QR Kólik ministrliginiń málimetinshe, halyqaralyq marshrýttyq jelini damytý aiasynda qazaqstandyq FlyArystan áýe kompaniiasy Aqtaý – Úrimshi jáne Astana – Ystyqkól baǵyttary boiynsha turaqty reisterdi júzege asyra bastady.
26 maýsymnan bastap Aqtaý – Úrimshi baǵyty boiynsha ushaqtar aptasyna eki ret – seisenbi jáne juma kúnderi Airbus A320 áýe kemelerimen qatynaidy.
Al 3 shildeden bastap Astana – Ystyqkól baǵyty boiynsha da turaqty reister ashyldy. Bul baǵyttaǵy ushýlar aptasyna eki ret – dúisenbi jáne juma kúnderi Airbus A320 ushaqtarymen oryndalady.
Ministrlik jańa halyqaralyq baǵyttardyń iske qosylýy Qazaqstannyń Qytai jáne Qyrǵyzstanmen saýda-ekonomikalyq, týristik, iskerlik jáne gýmanitarlyq bailanystaryn nyǵaitýǵa yqpal etetinin atap ótti. Sonymen qatar bul sheshim qazaqstandyq jolaýshylar úshin halyqaralyq saparlardyń qoljetimdiligin arttyryp, óńirlik kólik bailanysyn damytýǵa múmkindik beredi.
