Qazaqstan fýtbol federatsiiasynyń (QFF) 2026 jylǵa arnalǵan ótinimin Halyqaralyq fýtbol federatsiiasy (FIFA) resmi túrde maquldady. Osylaisha, Qazaqstanǵa Talent Development Scheme baǵdarlamasy aiasynda 250 myń dollar, iaǵni shamamen 120 mln teńge kóleminde grant bólinedi, dep habarlaidy ult.kz.
QFF málimetinshe, halyqaralyq qarjy balalar men jasóspirimder fýtbolyn damytýǵa jáne osy saladaǵy mamandardy daiarlaýǵa baǵyttalady.
Qarajattyń bólinýi:
- 125 myń dollar – «Bolashaq chempiondar» jas talanttardy izdeý jáne irikteý jobasyna;
- 50 myń dollar – jattyqtyrýshylar men skaýttarǵa arnalǵan oqytý seminarlaryn ótkizýge;
- 50 myń dollar – baǵdarlamanyń operatsiialyq shyǵyndary men basqarýyna;
- 25 myń dollar – balalardy qorǵaý standarttaryn engizý jáne qatysýshylarǵa psihologiialyq qoldaý kórsetýge jumsalady.
Joba FIFA shtab-páterinde joǵary baǵalanǵan. Fýtboldy jahandyq damytý tobyn basqaratyn aty ańyzǵa ainalǵan jattyqtyrýshy Arsen Venger Qazaqstannyń sport rezervin qalyptastyrýǵa baǵyttalǵan bastamalarynyń jan-jaqty ázirlengenin atap ótken.
FIFA Talent Development Scheme baǵdarlamasy álemdegi ulttyq fýtbol qaýymdastyqtaryna jas fýtbolshylardy anyqtap, olardyń kásibi deńgeide damýyna múmkindik jasaýǵa baǵyttalǵan.
