«Jomart» kenishinde óndiristik úderisti tsifrlandyrýdyń jańa kezeńi bastaldy. «Qazaqmys korporatsiiasy» JShS «Soiýz Geo Meh» JShS-men birlesip, taý jynysy massiviniń jaǵdaiyna geomehanikalyq monitoring júrgizetin biryńǵai tsifrlyq júieni qurýǵa kiristi.
Jańa júie taý jynysy massiviniń jai-kúiin turaqty túrde baqylap, yqtimal táýekeldi der kezinde anyqtaýǵa jáne taý-ken jumysyn qaýipsiz júrgizý úshin injenerlik sheshim qabyldaýǵa múmkindik beredi.
Jobanyń alǵashqy kezeńi RS10 mobildi keshenin paidalana otyryp, jerasty taý-ken qazbasyn joǵary dáldikpen lazerlik skanerleýden bastaldy. Jabdyq milliondaǵan keńistiktik núkteni tirkep, kenishtiń úshólshemdi modelin jasaidy. Mundai tsifrlyq model jerasty taý-ken qazbalarynyń geometriialyq kórsetkishterin joǵary dáldikpen baqylaýǵa, taý jynysy massiviniń jaǵdaiyndaǵy ózgeristerdi qadaǵalaýǵa jáne onyń jekelegen ýchaskeleriniń turaqtylyǵyn baǵalaýǵa múmkindik beredi.
Alynǵan derek geologiialyq, marksheiderlik jáne geotehnikalyq aqparatpen biriktiriledi. Bul mamandarǵa taý jynysy massiviniń jaǵdaiyn keshendi túrde taldaýǵa, yqtimal qaýipti aimaqty der kezinde anyqtaýǵa jáne bekitý parametrlerin tańdaý, taý-ken jumysyn júrgizý retin josparlaý, sondai-aq burǵylaý-jarý jumysyna túzetý engizý kezinde injenerlik sheshim qabyldaýǵa múmkindik beredi.
Joba úzdiksiz monitoring júrgizý qaǵidatyna negizdelgen. Lazerlik skanerleýdi turaqty túrde júrgizý jáne alynǵan derektegi ózgeristi taldaý jerasty taý-ken qazbalarynyń aǵymdaǵy jai-kúiin tirkep qana qoimai, yqtimal ózgeristerdi boljaýǵa ári buryn qabyldanǵan tehnikalyq sheshimderdiń tiimdiligin baǵalaýǵa múmkindik beredi.
Tsifrlyq geomehanikalyq monitoring júiesin engizý Qazaqmystyń ónerkásiptik qaýipsizdikti damytý jáne óndiristi tsifrlyq transformatsiialaý jónindegi keshendi baǵdarlamasynyń bir bóligi bolyp tabylady. Zamanaýi tehnologiialardy paidalaný taý-ken jumysynda injenerlik súiemeldeý sapasyn arttyrýǵa, jerasty qazbalarynyń jaǵdaiyn baqylaýdy kúsheitýge jáne «Jomart» kenishin qaýipsiz ári turaqty paidalanýǵa jaǵdai jasaýǵa múmkindik beredi.
