Q.I.Satbaev atyndagy Jezqazgan Tau-ken ondirisi «Batys» kenishindegi №67 shahtanyń tórtinshi ýchaskesine jańa Sandvik DS511 burǵylaý tehnikasy jetkizildi. Mashina ankerlik bekitpeni ornatý jáne bekitkish tordy montajdaý kezinde tespeni mehanikalandyrylǵan ádispen burǵylaý úshin qoldanylady. Jańa tehnika ýchaskede buryn paidalanylǵan burǵylaý qondyrǵysyn almastyryp, Qazaqmystyń talabyna sai qosymsha múmkindikpen jáne tehnikalyq sheshimdermen jabdyqtaldy, dep habarlaidy ult.kz.
Bekitkish tordy ustap turatyn qosymsha qurylǵynyń ornatylýy jańa tehnikanyń basty artyqshylyqtarynyń biri boldy. Bul sheshim taý-ken qazbalaryn bekitý kezinde atqarylatyn jumystyń bir bóligin mehanikalandyrýǵa, jumysshylarǵa túsetin fizikalyq júktemeni azaitýǵa jáne jumysty oryndaýdyń qolailylyǵyn arttyrýǵa múmkindik beredi.
Korporatsiianyń talabyna sáikes mashina «Eclipse» ortalyqtandyrylǵan órt sóndirý júiesimen de jabdyqtalǵan. Qosymsha kameralar jumys aimaǵyn 360°-qa deiin sholýdy qamtamasyz etedi. Bul operatorǵa jumys barysynda mashinanyń ainalasyndaǵy jaǵdaidy baqylaýǵa múmkindik beredi.
Sandvik DS511 kólemi 4,5 litrlik Cummins dizeldi qozǵaltqyshymen jabdyqtalǵan. Mashinanyń qurylymy men qozǵaltqyshynyń joǵary qýaty ony jerasty taý-ken jumysy jaǵdaiynda paidalanýǵa múmkindik beredi. Tehnikanyń boljamdy qyzmet etý merzimi alty jyldan asady.
Mashina bir jumys tsikly aiasynda burǵylaý jáne taý-ken qazbalaryn bekitý boiynsha negizgi operatsiialardy oryndai alady. Kabina eki adamnan — burǵylaýshy men onyń kómekshisinen turatyn ekipajǵa arnalǵan. Ol qorǵanys ekrandarymen, konditsionermen jáne jylytý júiesimen jabdyqtalǵan.
Ózdiginen júretin tehnikany jańartý «Qazaqmys» korporatsiiasynyń basym baǵyttarynyń biri bolyp qala beredi. Kompaniia qoldanystaǵy tehnika parkiniń jaramdylyǵyn qamtamasyz etýmen qatar, qaýipsizdik pen ónimdilikke qoiylatyn zamanaýi talapty eskere otyryp, ony kezeń-kezeńimen jańartyp keledi. Tamyz-qyrkúiek ailarynda kenishterge 14 birlik aýyr jerasty tehnikasyn, onyń ishinde burǵylaý qondyrǵylaryn, tieý-jetkizý mashinalaryn jáne shahtalyq tieý-jetkizý mashinalaryn jetkizý josparlanǵan.
Sandvik DS511 tehnikasynyń «Batys» kenishine kelýi — osy baǵdarlamanyń bir bóligi. Jerasty tehnikasy parkin jańartý qaýipsizdikti arttyrýǵa, óndiristik operatsiialardy mehanikalandyrýǵa jáne taý-ken jumysyn tiimdi oryndaý úshin qolaily jaǵdai jasaýǵa baǵyttalǵan.
