«Qazaqmys» korporatsiiasy óndiristik nysandardyń áleýmettik-turmystyq infraqurylymyn jańǵyrtýǵa baǵyttalǵan aýqymdy baǵdarlamany iske asyrýǵa kiristi.
Ákimshilik-turmystyq korpýstardy, meditsinalyq pýnktterdi, jataqhanalardy, ashanalardy, jýynatyn bólmelerdi, zerthanalar men ózge de nysandardy kúrdeli jáne aǵymdaǵy jóndeýge 2,44 mlrd teńge bólindi. Baǵdarlama kompaniianyń jumyskerler úshin zamanaýi, qaýipsiz ári jaily eńbek jaǵdaiyn qalyptastyrýǵa baǵyttalǵan júieli jumysynyń bir bóligi bolyp tabylady.
Baǵdarlama Jezqazǵan, Balqash, Qaraǵandy jáne Shatyrkól óndiristik keshenderin qamtidy. Jalpy alǵanda, kásiporyn jumyskerleri kún saiyn paidalanatyn 80-nen astam nysandy jańartý kózdelgen.
Qazirgi ýaqytta kásiporyndarda baǵdarlamanyń daiyndyq kezeńi aiaqtalýda. Bul kezeń merdiger uiymdardy jumyldyrýdy, qurylys materialdaryn jetkizý men nysandardy montajdaý jumysyna daiyndaýdy qamtidy.
Q.I. Satbayev atyndagy Jezqazgan Tau-ken óndirisi kesheninde 38 nysandy jańartý josparlanǵan. Qazirgi tańda Jezqazǵan baiytý fabrikasynyń meditsinalyq pýnkti men MEJB-nyń ákimshilik-turmystyq korpýsynda jóndeý jumysy bastaldy. Al qalǵan nysandarda jóndeýdi bastaýǵa daiyndyq aiaqtalýǵa jaqyn.
Balkhash Tau-ken óndirisi óndiristik kesheninde jóndeý jumysy áleýmettik infraqurylym nysandarynda, onyń ishinde, MJMB-nyń ákimshilik-turmystyq korpýsynda jáne Saiaq kenishiniń ashanasynda júzege asyrylady.
Nurqazgan Tau-ken óndirisi alańynda Nurqazǵan kenishiniń ákimshilik-turmystyq korpýsyna jóndeý jumysy júrgizilýde.
Qaragayly Tau-ken óndirisi óndiristik kesheninde baǵdarlamanyń daiyndyq kezeńi júzege asyrylýda. Onyń aiasynda Abyz jáne Qajyqonǵan kenishterinde, sondai-aq Qaraǵaily baiytý fabrikasynda jóndeý jumysyn bastaýǵa daiyndyq júrip jatyr.
Shatyrkol-Jaysan Tau-ken óndirisi óndiristik alańynda mamandar men qajetti resýrstar jumyldyrylýda. Bul aldaǵy ýaqytta josparlanǵan jóndeýdi bastaýǵa múmkindik beredi.
Baǵdarlama bekitilgen kestege sáikes júzege asyrylyp jatyr. Daiyndyq kezeńi aiaqtalǵan soń barlyq kózdelgen nysandarda jóndeý jumysy kezeń-kezeńimen bastalady.
Áleýmettik-turmystyq infraqurylymdy damytý Qazaqmystyń basym baǵyttarynyń biri bolyp qala beredi. Kompaniia jaily turmystyq orta ónerkásiptik qaýipsizdikti qamtamasyz etýdiń, qyzmetkerlerdiń densaýlyǵyn saqtaýdyń jáne jumysshy mamandyqtarynyń tartymdylyǵyn arttyrýdyń mańyzdy faktory retinde jumyskerler úshin zamanaýi eńbek jaǵdaiyn qalyptastyrýǵa turaqty túrde investitsiia salyp keledi.
